اسلام آباد: صدرِ مملکت آصف علی زرداری نے لاہور ہائیکورٹ کے 11 ایڈیشنل ججز کو مستقل کرنے کی منظوری دے دی ہے، جس کے بعد وزارتِ قانون نے نوٹیفکیشن جاری کر دیا۔
ساتھ ہی ایڈیشنل جج جسٹس طارق محمود باجوہ کی مدتِ تعیناتی میں چھ ماہ کی توسیع کی بھی اجازت دی گئی ہے۔
ذرائع کے مطابق یہ اقدامات جوڈیشل کمیشن اور پارلیمانی کمیٹی کی سفارشات کی روشنی میں کیے گئے ہیں، جس کا مقصد عدالتی نظام میں استحکام اور مقدمات کی بروقت نمٹائی کو یقینی بنانا ہے۔
