سینئر وزیر پنجاب مریم اورنگزیب نے کانفرنس سے خطاب کرتے ہوئے کہا کہ حکومت جون 2026 تک موسم کی پیش گوئی کے لیے ایک جامع اور جدید نظام لے کر آئے گی تاکہ موسمیاتی تبدیلیوں کے اثرات کو کم کیا جا سکے۔
انہوں نے کہا کہ ماحولیاتی آلودگی کو کنٹرول کرنے میں سب کا کردار اہم ہے اور حکومت صنعتوں کو اعتماد میں لے کر ماحولیات کی بہتری کے لیے کام کر رہی ہے۔ زرعی شعبے میں بھی جدید تکنیکیں لا کر آلودگی میں کمی کی کوشش کی جا رہی ہے۔
مزید برآں، لاہور سمیت پورے پنجاب میں انوائرمینٹل پروٹیکشن سیل قائم کیے جا رہے ہیں اور تمام پٹرول پمپس پر کاربن چیکنگ کا نظام لازمی ہوگا تاکہ ہوا کی آلودگی کو کم کیا جا سکے۔
مریم اورنگزیب نے کہا کہ "ماحولیاتی تحفظ میں ہر فرد کی ذمہ داری ہے، ہم سب کو مل کر اس کے لیے کام کرنا ہوگا۔”
