اسلام آباد: وزارت مذہبی امور نے سرکاری سکیم کے تحت حج کے خواہشمندوں کو آگاہ کیا ہے کہ دوسری قسط کی ادائیگی کا آخری دن 15 نومبر ہے۔
ترجمان وزارت نے کہا ہے کہ عازمین کرام واجبات جمع کر کے کمپیوٹرائزڈ بینک رسید حاصل کریں تاکہ درخواست کی منسوخی سے بچا جا سکے۔
وزارت نے وضاحت کی ہے کہ نامزد بینک کل تک حج واجبات وصول کریں گے، اور عازمین سے درخواست کی گئی ہے کہ وہ بروقت ادائیگی کر کے اپنے حج کی درخواست کی تکمیل کو یقینی بنائیں۔
