لاہور:محکمہ تعلیم نے سکولوں میں حفاظتی انتظامات کو مؤثر بنانے کے لیے نئے ایس او پیز جاری کیے ہیں۔ نئے قواعد کے تحت اسکولوں میں کم از کم 8 فٹ بلند چاردیواری اور ریزر وائر لازمی نصب کی جائے گی۔
سکولوں کے سی سی ٹی وی کیمرے مکمل فعال رہیں گے اور ان کے ساتھ یو پی ایس کی تنصیب بھی لازمی ہوگی۔ مزید یہ کہ ہر اسکول میں تربیت یافتہ سکیورٹی گارڈز تعینات کیے جائیں گے تاکہ طلبہ و اساتذہ کی حفاظت یقینی بنائی جا سکے۔
