لاہور:لاہور ہائیکورٹ نے فیصلہ دیا ہے کہ بوڑھے اور محتاج والدین کی کفالت بیٹے پر قانونی طور پر لازم ہے، چاہے اس کے وسائل محدود ہی کیوں نہ ہوں۔ عدالت نے واضح کیا کہ بیٹے کو والدین کی دیکھ بھال سے انکار کا اختیار نہیں ہے۔
فیصلے میں یہ بھی کہا گیا کہ اگر والدین مالی طور پر محتاج یا بے سہارا ہوں تو وہ اپنی ضروریات کے لیے فیملی کورٹ سے رجوع کر کے قانونی حق حاصل کر سکتے ہیں۔
عدالت نے اس فیصلے کے ذریعے والدین کے حقوق کے تحفظ کو یقینی بنانے اور معاشرتی ذمہ داریوں کی اہمیت کو اجاگر کرنے پر زور دیا، تاکہ بزرگ والدین کو قانونی اور سماجی سطح پر تحفظ فراہم کیا جا سکے۔
