راولپنڈی: یومِ آزادی کے موقع پر آئی ایس پی آر نے بلوچی زبان میں خصوصی نغمہ ’’پاک اے وطن‘‘ ریلیز کردیا۔ نغمے میں وطن سے محبت اور پاکستان سے والہانہ وابستگی کے جذبات کو خوبصورتی سے پیش کیا گیا ہے۔
مشہور بلوچ گلوکار اختر چنال نے اپنی آواز میں پاک سرزمین سے عشق اور حب الوطنی کے جذبات کی عکاسی کی۔ نغمے میں بلوچی ثقافت اور قومی جذبے کا خوبصورت امتزاج دیکھنے کو ملتا ہے۔
’’پاک اے وطن‘‘ کے ذریعے بلوچستان کی ثقافتی شناخت اور پاکستان سے محبت کو اجاگر کیا گیا، جبکہ نغمہ قومی یکجہتی اور حب الوطنی کا پیغام بھی دیتا ہے۔
