واشنگٹن: امریکی صدر ڈونلڈ ٹرمپ نے دعویٰ کیا ہے کہ ایران جلد ہار مان لے گا اور اس کے نتیجے میں تیل کی قیمتوں میں کمی آئے گی۔ انہوں نے کہا ہے کہ رواں ہفتے ایران کے ساتھ مذاکرات میں مزید اہم پیش رفت متوقع ہے۔
ڈونلڈ ٹرمپ کے مطابق امریکی مذاکرات کار رواں ہفتے ایرانی حکام کے ساتھ مزید اہم بات چیت کریں گے۔ ان کا کہنا تھا کہ مذاکرات کے ذریعے موجودہ صورتحال کے حل کی کوشش جاری ہے۔
امریکی صدر نے کہا کہ انہیں توقع ہے کہ ایران جلد اپنے مؤقف میں تبدیلی لائے گا۔ ان کے بقول ایران کے ساتھ پیش رفت کی صورت میں عالمی منڈی میں تیل کی قیمتیں بھی نیچے آ سکتی ہیں۔
ٹرمپ نے مزید کہا کہ آنے والے دنوں میں ہونے والی بات چیت اہمیت کی حامل ہے اور اس سے صورتحال کے حوالے سے مزید واضح تصویر سامنے آئے گی۔
ایران کی جانب سے امریکی صدر کے اس تازہ بیان پر فوری طور پر کوئی ردعمل سامنے نہیں آیا۔
