اسلام آباد: خیبرپختونخوا میں ایمرجنسی اور گورنر راج کے نفاذ سے متعلق اہم پیش رفت سامنے آئی ہے۔ اطلاعات کے مطابق صدرِ مملکت نے وزیراعظم کی ایڈوائس پر متعلقہ سمری پر دستخط کر دیے ہیں۔
تفصیلات کے مطابق وفاقی کابینہ نے آئینِ پاکستان کے آرٹیکل 232 اور 234 کے تحت صوبے میں ایمرجنسی اور گورنر راج نافذ کرنے کی سمری صدرِ مملکت کو ارسال کی تھی۔
اطلاعات کے مطابق خیبرپختونخوا کے 12 اضلاع میں ایمرجنسی جبکہ باقی اضلاع میں گورنر راج نافذ کرنے کا فیصلہ کیا گیا ہے۔
ذرائع کے مطابق وزیرِ داخلہ محسن نقوی سمری لے کر ایوانِ صدر پہنچے تھے۔
صدرِ مملکت آصف علی زرداری نے خیبر پختونخوا میں کی سلامتی کی صورتحال پر وزیراعظم کی ایڈوائس پر دستخط کر دیے ہیں۔
آئینِ پاکستان کے آرٹیکلز 232 اور 234 کے تحت صدرِ مملکت نے وزیراعظم کی ایڈوائس منظور کرتے ہوئے دستخط کیے۔
وفاقی کابینہ کے فیصلے، وزیراعظم کی ایڈوائس، متعلقہ اداروں کی امن و امان کی صورتحال سے متعلق رپورٹس اور حکومتی وفود کے ساتھ مذاکرات کی ناکامی کے بعد صدرِ مملکت نے سمری پر دستخط کیے۔
— The President of Pakistan (@PresOfPakistan) October 11, 2026
