لندن : پرتگال کے وزیر خارجہ نے برطانیہ کے دورے کے دوران اعلان کیا ہے کہ ان کا ملک فلسطینی ریاست کو تسلیم کرنے پر غور کر رہا ہے۔ یہ اعلان فلسطین کے حوالے سے عالمی سطح پر بڑھتی ہوئی حمایت کا حصہ ہے۔
پرتگال کے علاوہ فرانس، برطانیہ، آسٹریلیا، کینیڈا اور بیلجیئم بھی فلسطین کو ریاست تسلیم کرنے کے حق میں بیانات دے چکے ہیں۔ توقع ہے کہ پرتگال رواں ماہ اقوام متحدہ کی جنرل اسمبلی میں باقاعدہ طور پر فلسطین کی ریاستی حیثیت تسلیم کرنے کا اعلان کرے گا۔
ماہرین کے مطابق، یہ پیش رفت مشرق وسطیٰ میں امن کے امکانات کو فروغ دینے میں مددگار ثابت ہو سکتی ہے اور خطے کے دیرینہ سیاسی تنازعات پر عالمی توجہ مرکوز کرے گی۔
