پشاور: گورنر خیبرپختونخوا فیصل کریم کنڈی نے صوبے میں تعلیم اور ہیلتھ کے نظام کی خراب صورتحال پر تشویش کا اظہار کرتے ہوئے کہا ہے کہ پی ٹی آئی اور صوبائی حکومت کی کارکردگی “اڈیالہ منتقل” ہو چکی ہے۔
گورنر نے واضح کیا کہ گورنر راج صوبائی حکومت کے رویے پر منحصر ہوگا اور اگر حکومت محاذ آرائی کی سیاست اختیار کرتی ہے تو قانون حرکت میں آئے گا۔ ان کا کہنا تھا کہ گورنر راج نافذ ہونے کی صورت میں بعض حالات میں افراد گورنر ہاؤس تک پہنچنے میں بھی کامیاب نہیں ہوں گے۔
فیصل کریم کنڈی نے بانی پی ٹی آئی کو پنجاب سے دوسرے صوبے میں منتقل کرنے کی تجویز بھی دی، اور کہا کہ صوبائی حکومت کا مستقبل اس کے طرز عمل پر منحصر ہے۔ تجزیہ کاروں کے مطابق گورنر کے یہ بیانات سیاسی کشیدگی میں اضافہ اور صوبائی حکومت پر دباؤ کے طور پر دیکھے جا رہے ہیں۔
