تحریک انصاف نے پارٹی اخراجات پورے کرنے کے لیے اپنے تمام ارکانِ پارلیمان سے ماہانہ چندہ طلب کر لیا ہے۔ پارٹی قیادت کی ہدایت کے مطابق ہر ایم این اے، سینیٹر اور ایم پی اے اپنی تنخواہ کا 10 فیصد یعنی 50 ہزار روپے ماہانہ پارٹی فنڈ میں جمع کروائے گا۔
پارٹی ذرائع کے مطابق، اگر اخراجات پورے نہ ہوئے تو ارکان کو 72 گھنٹوں کے اندر بقایا رقم جمع کروانے کی درخواست کی جائے گی۔ پی ٹی آئی نے ارکان کو ہدایت کی ہے کہ بقایا واجبات الگ سے رپورٹ کریں۔
پارٹی قیادت نے صورتحال کو ہنگامی قرار دیتے ہوئے تمام ارکان سے فوری تعاون کی اپیل کی ہے تاکہ پارٹی کے مالی امور بلا رکاوٹ جاری رہ سکیں۔
