وزیر دفاع خواجہ آصف نے کہا ہے کہ پاکستان کی بقا مضبوط بلدیاتی نظام اور اختیارات کی نچلی سطح تک منتقلی سے مشروط ہے۔ انہوں نے کہا کہ عوام تک اختیارات نہ پہنچانا دراصل عوام کے ساتھ دھوکہ ہے۔
خواجہ آصف نے واضح کیا کہ 18ویں ترمیم کے باوجود صوبوں میں اختیارات مکمل طور پر نچلی سطح تک منتقل نہیں ہوئے اور جب تک یہ عمل مکمل نہیں ہوگا، ملک کا نظام مؤثر نہیں چل سکے گا۔
وزیر دفاع نے کہا کہ بلدیاتی نظام سے کسی کو خطرہ نہیں، سوائے بیوروکریسی کے، کیونکہ ان کے اختیارات کم ہو کر لوکل گورنمنٹ کو منتقل ہوں گے، اور سیاست دانوں کو اپنی طاقت عوام سے توثیق کے ذریعے حاصل کرنی ہوگی۔
