راولپنڈی : بلوچستان کے مختلف علاقوں میں سکیورٹی فورسز کی خوارج کے خلاف کارروائیاں جاری ہیں، آپریشن ردالفتنہ 3 کے تحت کارروائیوں میں 15 خوارج ہلاک ہوگئے۔
مستونگ، بولان، واشک، آواران، سبی، خضدار، ہرنائی اور نوشکی میں خوارج کے خلاف آپریشن کیا گیا۔
کارروائیوں کے دوران بڑی مقدار میں اسلحہ اور گولہ بارود بھی برآمد کیا گیا۔ سکیورٹی فورسز کی مؤثر کارروائیوں سے خوارج کے نیٹ ورک کو شدید نقصان پہنچا، جبکہ ان کی نقل و حرکت محدود کردی گئی ہے۔
سکیورٹی فورسز کی جانب سے دہشتگرد عناصر کے خلاف کارروائیاں مزید مؤثر بنانے کا سلسلہ جاری ہے۔
