نیویارک : اقوام متحدہ کی سلامتی کونسل میں ایران میں جنگ بندی سے متعلق روس کی پیش کردہ قرارداد منظور نہ ہوسکی، جبکہ دوسری جانب خلیجی ممالک میں ایرانی حملوں کے خلاف قرارداد بھاری اکثریت سے منظور کر لی گئی ہے۔سلامتی کونسل کے اجلاس میں روس کی جانب سے ایران میں فوری جنگ بندی کی قرارداد پیش کی گئی، تاہم اسے مطلوبہ حمایت حاصل نہ ہو سکی۔قرارداد کے حق میں صرف 4 ووٹ آئے جبکہ 2 ارکان نے مخالفت کی۔ امریکہ نے روس کی اس قرارداد کو ویٹو کر کے ناکام بنا دیا۔ کونسل کے 9 ارکان ووٹنگ کے عمل سے غیر حاضر رہے۔
ایک الگ پیش رفت میں، ایران کی جانب سے خلیجی ممالک میں کیے جانے والے حملوں کے خلاف قرارداد کونسل میں پیش کی گئی جو منظور کر لی گئی۔ پاکستان سمیت 13 ممالک نے اس قرارداد کے حق میں ووٹ دیا۔روس اور چین نے اس قرارداد پر ووٹنگ میں حصہ نہیں لیا۔
پاکستانی مندوب عاصم افتخار نے سلامتی کونسل میں خطاب کرتے ہوئے ایران پر ہونے والے حملوں کی شدید مذمت کی ۔
