خراب نتائج پر سکولز اور اساتذہ کے خلاف کارروائی کی تیاری

لاہور: صوبائی وزیر تعلیم پنجاب رانا سکندر حیات نے نہم و دہم کے امتحانات میں ناقص کارکردگی پر اسکولز اور اساتذہ کے خلاف کارروائی کا اعلان کر دیا۔

انہوں نے حکام کو فوری طور پر خراب نتائج دینے والے سکولوں اور اساتذہ کی فہرستیں تیار کرنے کا حکم دے دیا۔ وزیر تعلیم کا کہنا تھا کہ ناقص کارکردگی پر اساتذہ کو نوکری سے برخاست کیا جائے گا، جبکہ اچھی کارکردگی پر انعامات بھی دیے جائیں گے۔

رانا سکندر حیات نے کہا کہ احتساب کا آغاز اپنے ہی ضلع اور تحصیل سے کیا جائے گا تاکہ مثال قائم کی جا سکے۔