پاکستانی حکومت اور افغان طالبان رجیم نے باہمی رضامندی سے آج شام چھ بجے سے اگلے 48 گھنٹوں کے لیے عارضی طور پر سیز فائر کرنے کا اعلان کیا ہے۔ وزارت خارجہ کے مطابق یہ فیصلہ طالبان کی درخواست پر کیا گیا ہے تاکہ دونوں فریقین امن مذاکرات کے لیے سازگار ماحول فراہم کر سکیں۔
سیز فائر کے دوران دونوں جانب سے تعمیری بات چیت ہوگی جس کا مقصد اس پیچیدہ مسئلے کا مثبت اور دیرپا حل تلاش کرنا ہے۔ وزارت خارجہ نے اس موقع پر امید ظاہر کی ہے کہ دونوں فریقین سنجیدگی سے امن کی راہ پر قدم بڑھائیں گے۔
