یو اے ای نیول کمانڈر کو نشانِ امتیاز (ملٹری)، ایوانِ صدر میں اعزاز سے نوازا گیا

اسلام آباد: صدر مملکت آصف علی زرداری نے متحدہ عرب امارات کی بحریہ کے کمانڈر حمید محمد عبد اللہ الرمیثی کو نشانِ امتیاز (ملٹری) عطا کیا۔
ایوانِ صدر میں منعقدہ خصوصی تقریب میں اعزاز پیش کیا گیا، جس کے دوران صدر نے مہمان کمانڈر سے دو طرفہ دفاعی تعاون اور باہمی تعلقات پر گفتگو کی۔

صدر نے کہا کہ الرمیثی کی خدمات دونوں ممالک کے تعلقات میں اہم کردار رکھتی ہیں۔ انہوں نے "امن ڈائیلاگ 25” اور "مشق امن 25” میں یو اے ای کی شمولیت کو بھی سراہا۔

کمانڈر الرمیثی نے بتایا کہ وہ پاکستان نیول اکیڈمی کراچی کے گریجویٹ ہیں۔ تقریب میں وزیر دفاع خواجہ آصف، راجہ پرویز اشرف اور نیئر بخاری بھی شریک ہوئے۔