پنجاب کابینہ نے وزیراعلیٰ مریم نواز کی سربراہی میں اجلاس میں اہم فیصلے کیے ہیں، جن میں کالعدم تحریک لبیک پاکستان (ٹی ایل پی) پر پابندی کی باضابطہ توثیق بھی شامل ہے۔
اجلاس میں سرکاری اسکولوں میں "سکول ٹیچرز انٹرن” کی بھرتی کی منظوری دی گئی جبکہ الیکٹرو بس کے کرایوں میں اضافے کی تجویز مسترد کر دی گئی۔
کابینہ نے پنجاب پروٹیکشن آف اونرشپ آف اموویبل پراپرٹی آرڈیننس 2025ء کی منظوری کے ساتھ ایئر پنجاب پرائیویٹ لمیٹڈ کمپنی کے قیام کی بھی اجازت دی۔
مزید برآں، محراب محفوظ روشن پنجاب کے منصوبے کی منظوری اور گوجرانوالہ میں ماس ٹرانزٹ اتھارٹی کے سنگ بنیاد رکھنے کا فیصلہ بھی کیا گیا۔
یہ اقدامات صوبے میں قانون، ٹرانسپورٹ، تعلیم اور عوامی سہولیات کے فروغ کے لیے کیے جا رہے ہیں۔
