عالمی سفارت کاری میں پاکستان کا بڑا بریک تھرو؛ آبنائے ہرمز کا راستہ کھل گیا، ٹرمپ نے پاکستانی موقف کی تائید کر دی

اسلام آباد / تہران :مشرقِ وسطیٰ کے سمندری محاذ پر پاکستان نے ایک ایسی کامیابی حاصل کی ہے جس نے عالمی طاقتوں کو بھی حیران کر دیا ہے۔ ایران نے خیر سگالی کے طور پر آبنائے ہرمز سے پاکستانی پرچم بردار مزید 20 بحری جہازوں کو گزرنے کی خصوصی رعایت دے دی ہے، جس سے خطے میں تناؤ کی شدت میں کمی آنے کا امکان ہے۔
معاہدے کے تحت اب روزانہ 2 پاکستانی جہاز باقاعدگی سے آبنائے ہرمز عبور کریں گے۔ اسحاق ڈار کا "ایکس” پر بیان: نائب وزیراعظم و وزیر خارجہ اسحاق ڈار نے اس پیش رفت کو سراہتے ہوئے کہا کہ ایران کا یہ اقدام خوش آئند ہے اور یہ خطے میں امن و استحکام کی جانب ایک اہم سنگِ میل ثابت ہوگا۔ انہوں نے زور دیا کہ موجودہ بحران کا حل صرف مذاکرات، سفارت کاری اور اعتماد سازی میں ہی چھپا ہے۔
اس وقت عالمی میڈیا میں سب سے زیادہ چرچہ امریکی صدر ڈونلڈ ٹرمپ کے اس اقدام کا ہے جس میں انہوں نے اسحاق ڈار کا ٹویٹ اپنے سوشل میڈیا اکاؤنٹ پر شیئر کیا۔ تجزیہ کار اسے پاکستان کے ‘امن مشن’ کی عالمی سطح پر سب سے بڑی کامیابی اور امریکہ کی جانب سے پاکستان پر اعتماد کا اظہار قرار دے رہے ہیں۔

I am pleased to share a great news that the Government of Iran has agreed to allow 20 more ships under the Pakistani flag to pass through the Strait of Hormuz; two ships will cross the Strait daily.

This is a welcome and constructive gesture by Iran and deserves appreciation. It…

— Ishaq Dar (@MIshaqDar50) March 28, 2026