اسلام آباد: نائب وزیراعظم و وزیر خارجہ اسحاق ڈار سے برطانوی ہائی کمشنر جین میریٹ نے ملاقات کی، جس میں پاکستان اور برطانیہ کے درمیان دوطرفہ تعلقات، باہمی تعاون اور مشترکہ دلچسپی کے معاملات پر تبادلہ خیال کیا گیا۔
ملاقات میں خطے کی صورتحال سمیت اہم عالمی امور پر بھی گفتگو ہوئی۔ فریقین نے ایران امریکہ کشیدگی کے باعث پیدا ہونے والی علاقائی صورتحال اور اس کے ممکنہ اثرات کا جائزہ لیا۔
اس موقع پر پاکستان اور برطانیہ کے درمیان تعاون کو مزید فروغ دینے اور باہمی روابط کو مستحکم بنانے کے عزم کا اظہار کیا گیا۔
