کراچی: سندھ حکومت نے آٹے کی قیمتوں میں کمی کے لیے فلور ملز کو یکم اکتوبر سے سرکاری گندم جاری کرنے کا فیصلہ کیا ہے۔
وزیراعلیٰ سندھ نے متعلقہ حکام کو ہدایت کی ہے کہ فلور ملز کو گندم کی فراہمی بڑھائی جائے تاکہ صوبے بھر میں آٹے کی قیمتوں میں کمی لائی جاسکے اور شہریوں کو ریلیف فراہم ہو۔
وزیراعلیٰ سندھ نے گندم کی ذخیرہ اندوزی کے خلاف بھی سخت کارروائی کی ہدایت کرتے ہوئے مصنوعی قلت پیدا کرنے والوں کے خلاف بلاامتیاز کارروائی کا حکم دیا ہے۔
محکمہ خوراک کے مطابق گندم کی نقل و حمل کے لیے ٹینڈر 22 ستمبر کو کھولا جائے گا۔ حکام کے مطابق گندم کی بروقت ترسیل سے فلور ملز کو سرکاری گندم کی فراہمی یقینی بنائی جائے گی۔
