لندن ہائی کورٹ کے حکم پر عادل راجہ نے بریگیڈیئر ریٹائرڈ راشد نصیر سے معافی مانگ لی

لندن: لندن ہائی کورٹ کے فیصلے کے بعد عادل راجہ نے بریگیڈیئر ریٹائرڈ راشد نصیر کے خلاف لگائے گئے ہتک آمیز الزامات پر معافی مانگ لی ۔ عادل راجہ نے معافی کا تحریری بیان X (سابقہ ٹویٹر) پر جاری کیا، جس میں انہوں نے تسلیم کیا کہ 14 سے 29 جون 2022 کے دوران انہوں نے الزامات لگائے اور ان کا کوئی قانونی دفاع موجود نہیں تھا۔

عدالت نے عادل راجہ کو راشد نصیر کو 50,000 پاؤنڈ ہرجانہ ادا کرنے اور قانونی اخراجات برداشت کرنے کا حکم دیا۔ یہ فیصلہ کردار کشی اور جھوٹے الزامات کے خلاف عدالتی موقف کو واضح کرتا ہے۔