برگن اسٹاک :برگن اسٹاک میں بین الاقوامی سرگرمیوں کے دوران پاکستان اور ایران کی اعلیٰ ترین قیادت کے مابین ایک اہم سفارتی ملاقات ہوئی ہے۔ اس اعلیٰ سطحی بیٹھک میں وزیراعظم محمد شہباز شریف اور ایرانی پارلیمنٹ کے اسپیکر محمد باقر قالیباف نے اپنے اپنے وفود کی قیادت کرتے ہوئے دوطرفہ تعلقات کو مزید مضبوط بنانے کے عزم کا اعادہ کیا۔
سٹریٹجک اور سیاسی لحاظ سے اہم اس ملاقات میں پاکستان کی جانب سے چیف آف ڈیفنس فورسز فیلڈ مارشل سید عاصم منیر، وفاقی وزیر داخلہ محسن نقوی، وفاقی وزیر اطلاعات عطا اللہ تارڑ اور معاون خصوصی طارق فاطمی نے شرکت کی۔ ایرانی وفد میں سپیکر قالیباف کے ہمراہ وزیر خارجہ عباس عراقچی اور دیگر اعلیٰ سفارت کار موجود تھے۔
مذاکرات کے دوران دونوں برادر ممالک نے علاقائی سلامتی، تجارتی و اقتصادی تعاون کے فروغ اور مسلم امہ کو درپیش موجودہ چیلنجز پر تفصیلی مشاورت کی۔ دونوں وفود نے اس بات پر اتفاق کیا کہ پاک ایران مضبوط روابط خطے میں پائیدار امن اور استحکام کے لیے ناگزیر ہیں۔
