اسلام آباد: کمانڈر نیشنل سٹریٹجک کمانڈ جنرل سید عامر رضا نے نیول ہیڈکوارٹرز اور ایئر ہیڈکوارٹرز کا دورہ کیا، جہاں انہوں نے چیف آف دی نیول سٹاف ایڈمرل نوید اشرف اور چیف آف دی ایئر سٹاف ایئر چیف مارشل ظہیر احمد سدھو سے ملاقاتیں کیں۔
ملاقاتوں کے دوران پیشہ ورانہ امور، آپریشنل تیاری، قومی سلامتی اور باہمی دلچسپی کے مختلف دفاعی معاملات پر تفصیلی تبادلۂ خیال کیا گیا۔ فریقین نے مسلح افواج کے درمیان مشترکہ تعاون، بین الخدماتی ہم آہنگی اور پیشہ ورانہ روابط کو مزید مستحکم بنانے کے عزم کا اظہار کیا۔
دوروں کے دوران ملکی دفاع کو درپیش چیلنجز سے مؤثر انداز میں نمٹنے کے لیے مربوط حکمت عملی، باہمی رابطوں اور مشترکہ صلاحیتوں کے فروغ کی اہمیت پر بھی زور دیا گیا۔
