لاہور: 1954 میں جب پاکستان نے ایشین گیمز میں پہلا گولڈ میڈل جیتا، تو اس کامیابی کے پیچھے ایک ہی نام تھا, دین محمد۔ وہ آج 100 برس سے زائد عمر میں دنیا سے رخصت ہو گئے۔
باٹا پور لاہور سے تعلق رکھنے والے اس پہلوان نے فلپائن، بھارت اور جاپان کے پہلوانوں کو زیر کر کے پاکستان کو عالمی منظرنامے پر متعارف کروایا۔ بعد ازاں، کامن ویلتھ گیمز میں بھی کانسی کا تمغہ جیت کر ملک کے لیے نئی تاریخ رقم کی۔
ریاستی سطح پر ان کے انتقال پر افسوس کا اظہار کیا گیا ہے۔ حکام کا کہنا ہے کہ ان کی خدمات ہمیشہ زندہ رہیں گی۔
