کراچی: وزیراعلیٰ سندھ مراد علی شاہ کی زیر صدارت سندھ کابینہ کے اجلاس میں پنشن اصلاحات کی منظوری دے دی گئی ہے۔ محکمہ خزانہ سندھ جلد ہی اس کا نوٹیفکیشن جاری کرے گا۔
کابینہ نے کم از کم اجرت کے نوٹیفکیشن کے اجرا کے لیے متعلقہ محکموں کو ہدایات بھی دی ہیں تاکہ تمام قانونی تقاضے پورے کیے جا سکیں۔
اجلاس میں ہیومن رائٹس کمیشن کے چیئرمین اقبال ڈیتھو کے خلاف لگائے گئے الزامات کی تحقیقات کے لیے وزیر قانون کی سربراہی میں ایک سب کمیٹی بھی تشکیل دی گئی ہے جو اس معاملے کی مکمل جانچ کرے گی۔
وزیراعلیٰ مراد علی شاہ نے اجلاس کے دوران کہا کہ حکومت عوام کو بہتر سہولیات فراہم کرنے اور شفافیت کو یقینی بنانے کے لیے اصلاحات پر بھرپور عمل پیرا ہے۔
