لاہور میں موسم میں تبدیلی، ٹھنڈی ہوائیں اور بادلوں کا راج۔۔۔۔ بارش کی پیش گوئی

لاہور: لاہور میں آج صبح موسم میں اچانک تبدیلی آئی۔ بادلوں نے آسمان پر قبضہ جمالیا اور ٹھنڈی ہواؤں نے شہر کی گرمی اور حبس کو کم کر دیا۔ شہریوں نے موسم کی خوشگوار تبدیلی پر خوشی کا اظہار کیا۔

محکمہ موسمیات کے مطابق آئندہ 24 گھنٹوں میں شہر میں بارش کی پیش گوئی کی گئی ہے۔ بعض علاقوں میں گرج چمک کے ساتھ بارش ہو سکتی ہے، جس سے موسم میں مزید ٹھنڈک محسوس ہو گی۔

محکمہ موسمیات کا کہنا ہے کہ بارش کا یہ سلسلہ عارضی ہو گا، تاہم ان کا کہنا تھا کہ بارش کی شدت میں بھی اضافہ ہو سکتا ہے۔ شہریوں کو ہدایت کی گئی ہے کہ وہ احتیاطی تدابیر اختیار کریں اور غیر ضروری سفر سے گریز کریں۔