اسلام آباد :محکمہ موسمیات نے 23 سے 27 اگست کے دوران ملک کے مختلف علاقوں میں بارشوں کے نئے اور ممکنہ طور پر شدید سلسلے کی پیشگوئی کی ہے۔ اس دوران شہریوں کو احتیاطی تدابیر اختیار کرنے اور متعلقہ اداروں کو الرٹ رہنے کی ہدایت جاری کر دی گئی ہے۔
محکمہ موسمیات کے مطابق 22 اگست سے مون سون ہوائیں بحیرہ عرب اور خلیج بنگال سے شدت کے ساتھ ملک کے بالائی علاقوں میں داخل ہوں گی، جس کے نتیجے میں آئندہ چند روز کے دوران بارشیں متوقع ہیں۔
