لاہور: پاکستان کی معروف گلوکارہ اور دنیائے موسیقی کی ملکہ، نور جہاں کو مداحوں سے بچھڑے 25 برس ہو گئے ہیں۔ 23 دسمبر 2000ء کو انتقال کر جانے والی میڈم نور جہاں نے اپنی زندگی میں موسیقی کی دنیا میں ایسا نقوش چھوڑا کہ ان کی آواز آج بھی ہر دل میں زندہ ہے۔
ملکہ ترنم نور جہاں 21 ستمبر 1926ء کو قصور کے ایک موسیقار گھرانے میں پیدا ہوئیں۔ نو سال کی عمر میں فلمی کیریئر کا آغاز کرنے والی نور جہاں جلد ہی چائلڈ سٹار بن گئیں۔ ان کی آواز نے نہ صرف فلمی دنیا کو متاثر کیا بلکہ ان کے گائے ہوئے گیت اور نغمے قومی سطح پر بھی اہمیت کے حامل بن گئے، خاص طور پر 1965ء کی پاک بھارت جنگ کے دوران ان کے گائے گئے قومی نغمے آج بھی سننے والوں کے دلوں میں گونجتے ہیں۔
نور جہاں کے گائے گئے گیتوں اور غزلوں نے ہمیشہ اہل ذوق کی پذیرائی حاصل کی۔ ان کی آواز میں ایک ایسا سحر تھا جس نے ہر سننے والے کو مسحور کر دیا۔ ان کی خدمات کو سراہتے ہوئے حکومت پاکستان نے انہیں صدارتی تمغہ برائے حسن کارکردگی اور نشان امتیاز جیسے اعزازات سے نوازا۔
ملکہ ترنم نور جہاں کا انتقال 23 دسمبر 2000ء کو ہوا، مگر ان کے گائے ہوئے نغمے آج بھی ہر محفل میں گائے جاتے ہیں اور ان کی یادیں ہمیشہ زندہ رہیں گی۔ ان کی موسیقی کی میراث ہر نئی نسل تک پہنچتی رہے گی اور ان کا نام ہمیشہ یاد رکھا جائے گا۔
