کرکٹ آسٹریلیا نے ورلڈ ٹیسٹ چیپمئن شپ کی بہترین ٹیم کا اعلان کردیا جس میں پاکستان کے اسپنر نعمان علی ٹیم میں جگہ بنانے میں کامیاب رہے۔
کرکٹ آسٹریلیا کی جانب سے جاری بیان میں کہا گیا کہ 2023-25 ورلڈ ٹیسٹ چیمپیئن شپ کے فائنل سے پہلے ہم نے سلیکٹرز بن کر گزشتہ 2 سالوں کی بہترین الیون کا انتخاب کیا ہے۔
بیان میں کہا گیا کہ ٹیسٹ کرکٹ کے مزید دو سال اپنے اختتام کو پہنچ رہے ہیں، اور ورلڈ ٹیسٹ چیمپیئن شپ کے اس مرحلے نے نہ صرف ریکارڈ تماشائیوں کو اسٹیڈیمز کی طرف متوجہ کیا بلکہ بیٹنگ اور باؤلنگ میں کئی شاندار کارنامے بھی دیکھنے کو ملے، جن کے ساتھ بہت سے یادگار میچز اور سیریز بھی شامل تھیں۔
