اسلام آباد: وزیراعظم شہباز شریف نے وفاقی کابینہ کا اجلاس کل طلب کر لیا ہے جس میں ملک کی سیاسی اور معاشی صورتحال کا تفصیلی جائزہ لیا جائے گا۔ اجلاس میں افغان طالبان، فتنہ الہندوستان اور فتنہ الخوارج کی اشتعال انگیزیوں کے مسائل بھی زیر بحث آئیں گے۔
ذرائع کے مطابق وزیراعظم اپنے حالیہ مصر کے دورے اور غزہ امن کانفرنس میں پاکستان کے کلیدی کردار سے کابینہ کو آگاہ کریں گے۔ اجلاس میں قانون سازی کے حوالے سے کابینہ کمیٹی کے فیصلوں کی منظوری بھی شامل ہوگی
دوسری جانب، وزیراعظم شہباز شریف اور صدر آصف علی زرداری کے درمیان آج ایوانِ صدر میں ملاقات متوقع ہے۔ ملاقات میں ملکی سیاسی صورتحال، آزاد جموں و کشمیر کے امور اور پیپلز پارٹی کے تحفظات پر گفتگو کی جائے گی
