راولپنڈی:انڈونیشین بحریہ کے سربراہ ایڈمرل ڈاکٹر محمد علی نے جی ایچ کیو راولپنڈی میں فیلڈ مارشل سید عاصم منیر سے ملاقات کی۔
آئی ایس پی آر کے مطابق ملاقات میں باہمی دلچسپی کے امور، علاقائی سکیورٹی اور پاکستان و انڈونیشیا کے درمیان دفاعی تعاون پر تفصیلی گفتگو ہوئی۔
دونوں جانب سے پاک انڈونیشیا کے موجودہ فوجی تعلقات پر اطمینان کا اظہار کیا گیا۔ اس موقع پر دوطرفہ دفاعی تعاون کو مزید مستحکم کرنے اور عسکری روابط کے فروغ کی خواہش کا اظہار بھی کیا گیا۔
ملاقات میں خطے کی مجموعی سکیورٹی صورتحال سمیت باہمی دلچسپی کے دیگر امور پر بھی تبادلہ خیال کیا گیا۔
