پاکستان میں ایس آئی ایف سی کی ہم آہنگ حکمتِ عملی اور موثر قیادت کے نتیجے میں معیشت میں بہتری کی رفتار تیز ہو گئی ہے۔
وفاقی وزیرِ تجارت جام کمال خان کے مطابق نجی شعبے کی قیادت میں ورکنگ گروپس معاشی اصلاحات، سرمایہ کاری اور برآمدات کے فروغ پر کام کر رہے ہیں، جبکہ مہنگائی میں کمی، شرح سود میں نرمی اور زرمبادلہ کے ذخائر میں بہتری معیشت کی مضبوطی کی واضح علامات ہیں۔
امریکن بزنس کونسل کے صدر اکرم ولی محمد نے کہا کہ کاروباری حلقوں میں اعتماد بڑھا ہے اور حکومت، نجی شعبہ اور عالمی شراکت دار ہم آہنگ اصلاحاتی فریم ورک کے تحت آگے بڑھ رہے ہیں۔
