اسلام آباد: وفاقی وزیر داخلہ محسن نقوی سے امریکہ کے نائب وزیر خارجہ پال کپور نے وفد کے ہمراہ اہم ملاقات کی ہے۔ اس اسٹریٹجک بیٹھک میں قائم مقام امریکی سفیر نیٹلی بیکر، وزیر مملکت طلال چوہدری اور وفاقی سیکرٹری داخلہ بھی شریک تھے۔ ملاقات کے دوران پاک امریکہ تعلقات کے ساتھ ساتھ مشرقِ وسطیٰ کی تازہ ترین صورتحال پر گہرائی سے گفتگو کی گئی، جہاں امریکی نائب وزیر خارجہ نے خطے میں امن و استحکام کے لیے پاکستان کے تاریخی کردار کو سراہا۔
وزیر داخلہ محسن نقوی نے امریکی وفد کے سامنے پاکستان کی ترجیحات کو واضح کرتے ہوئے کہا کہ بلوچستان میں ریکوڈک منصوبے پر کام کرنے والی تمام امریکی کمپنیوں کو فول پروف سکیورٹی یقینی بنائی گئی ہے۔ دونوں ممالک کے درمیان براہِ راست پروازوں کا جلد آغاز وقت کی ضرورت ہے تاکہ تجارت کو فروغ مل سکے۔صدر ڈونلڈ ٹرمپ کے دور میں پاک امریکہ سفارتی اور معاشی تعلقات پہلے سے زیادہ مضبوط ہوئے ہیں۔
پاکستان مشرقِ وسطیٰ کے موجودہ تنازع کے ایک منصفانہ، دیرپا اور پُرامن حل کے لیے پرامید ہے۔
