بیجنگ :چین میں منعقدہ انٹرنیشنل آرمی کیڈٹس ویک کے دوران پاکستانی کیڈٹس نے اپنی پیشہ ورانہ صلاحیتوں اور عسکری مہارتوں کا بھرپور مظاہرہ کیا۔
چین کی آرمی انجینئرنگ یونیورسٹی نانجنگ میں منعقد ہونے والے اس بین الاقوامی ایونٹ میں پاکستان سمیت 11 ممالک کی فوجی اکیڈمیوں اور چین کی 18 فوجی اکیڈمیوں کے کیڈٹس نے شرکت کی۔
ایونٹ میں پاکستانی کیڈٹس نے مختلف سرگرمیوں کے دوران اپنی قابلیت، نظم و ضبط اور عسکری تربیت کا اظہار کرتے ہوئے بین الاقوامی شرکا کی توجہ حاصل کی۔
اس موقع پر پاکستانی کیڈٹس کی شرکت کو عالمی سطح پر پاکستان کی نمائندگی اور مختلف ممالک کی فوجی اکیڈمیوں کے درمیان باہمی روابط کے فروغ کے حوالے سے اہم پیش رفت قرار دیا جارہا ہے۔
