اسلام آباد :پاکستان میں سیاسی جماعتوں کی فہرست میں دو نئے نام شامل ہو گئے ہیں۔ الیکشن کمیشن آف پاکستان نے آزاد عوام پاکستان پارٹی اور تجدید نظام پارٹی کو باضابطہ طور پر رجسٹرڈ کر لیا ہے۔
کمیشن کے جاری کردہ نوٹیفکیشن کے مطابق آزاد عوام پاکستان پارٹی کے سربراہ محمد علی ہوں گے۔تجدید نظام پارٹی کی قیادت خالد زمان کریں گے
الیکشن کمیشن نے دونوں جماعتوں کے انٹرا پارٹی انتخابات کو قانون کے مطابق قرار دیتے ہوئے ان کی رجسٹریشن کی منظوری دی ہے۔
اس نئی رجسٹریشن کے بعد ملک میں رجسٹرڈ سیاسی جماعتوں کی مجموعی تعداد 170 ہو گئی ہے۔
