خیبرپختونخوا میں سیاسی صورتحال دن بہ دن پیچیدہ ہوتی جا رہی ہے جہاں حکومتی اتحاد کمزور ہو رہا ہے اور ایک ووٹ کے فرق سے بھی حکومت گرائے جانے کا امکان ظاہر کیا جا رہا ہے۔ پی ٹی آئی کو پہلے وفاق سے نکالنے کی حکمت عملی کے بعد اب صوبے سے بھی ان کے خلاف کارروائیوں کا آغاز ہو چکا ہے۔
گورنر خیبرپختونخوا فیصل کریم کنڈی نے علی امین گنڈاپور کو "وکٹ کی دونوں جانب کھیلنے والا کھلاڑی” قرار دیا ہے، جو سیاسی محاذوں پر دونوں طرف سے فائدہ اٹھاتے ہیں۔
تحریک انصاف نے عدالتوں سے ریلیف لینے کی کوشش شروع کر دی ہے لیکن سیاسی ماہرین کا کہنا ہے کہ انہیں این اے کی نشستیں نہیں مل سکیں گی۔ اس کے علاوہ 9 مئی کو احتجاج کرنے والوں کو سزا دینے کی بات بھی زیر غور ہے، جو سیاسی کشیدگی میں اضافہ کا سبب بن سکتی ہے۔
