وزیر اعلیٰ پنجاب مریم نواز نے کہا ہے کہ کچھ افراد نے احتجاج کے نام پر ریاست کو یرغمال بنانے کی کوشش کی، شہداء کی یادگاریں جلائیں، اداروں پر حملے کیے اور قانون کے محافظوں کو شہید کیا۔
انہوں نے سوال اٹھایا کہ بےگناہ لوگوں اور املاک کو نقصان پہنچانا فتنہ نہیں تو پھر فتنہ کیا ہے؟۔ وزیر اعلیٰ نے کہا کہ ریاست کسی کو بھی فتنہ یا فساد پھیلانے کی اجازت نہیں دے گی۔
مریم نواز نے زور دیا کہ فتنے پر قابو پانا صرف حکومت کی ذمہ داری نہیں بلکہ علماء اور عوام کا بھی کردار ہے، اور کسی بھی قسم کے فتنے کو مسترد کرنے میں علماء کا تعاون ناگزیر ہے۔
