لاہور: پنجاب حکومت نے لاہور میں ایچی سن معیار کے بوائز اور گرلز سکولز کے قیام کا فیصلہ کرلیا، منصوبے کی منظوری وزیراعلیٰ پنجاب کی زیر صدارت اجلاس میں دی گئی۔
منصوبے کے تحت وحدت روڈ پر طلبہ اور طالبات کے لیے مریم نواز سینٹر آف اکیڈمک لیڈرشپ قائم کیے جائیں گے، جہاں جدید تعلیمی نظام کے ساتھ طلبہ کی صلاحیتوں کو اجاگر کرنے کے لیے سہولیات فراہم کی جائیں گی۔
حکام کے مطابق ان جدید تعلیمی مراکز میں پانچ، پانچ ہزار طلبہ اور طالبات کو داخلہ دیا جا سکے گا۔ اداروں میں تعلیم کے ساتھ ساتھ کھیلوں اور دیگر سرگرمیوں کے لیے بھی عالمی معیار کی سہولیات دستیاب ہوں گی۔
نئے سینٹرز میں جدید اسپورٹس ہال، ہاکی اور کرکٹ اسٹیڈیم سمیت مختلف سہولیات کی تعمیر بھی منصوبے کا حصہ ہے۔
