سپین میں دفتر میں قبل از وقت حاضری پر ملازمہ کی برطرفی، عدالت نے بھی بڑا فیصلہ سنادیا

سپین:سپین کے شہر الیکانٹے میں ایک ملازمہ کو دفتر وقت سے بہت جلد پہنچنے پر کمپنی نے برطرف کیا، جس کے بعد ملازمہ نے عدالت میں اپیل دائر کی۔

رپورٹس کے مطابق، ملازمہ صبح 6:45 سے 7:00 بجے کے درمیان دفتر پہنچ جاتی تھیں، جبکہ ان کے معاہدے کے مطابق کام کا آغاز 7:30 بجے ہونا تھا۔ ان کے اس رویے کی وجہ سے مالک نے انہیں 2025 کے آغاز میں سنگین بدانتظامی کے الزام میں برطرف کر دیا۔

الیکانٹے کی سوشل کورٹ نے مالک کے حق میں فیصلہ سناتے ہوئے کہا کہ ملازمہ نے انتباہات کو نظر انداز کیا اور اس کے رویے نے ملازم اور مالک کے تعلقات پر منفی اثر ڈالا۔ عدالت نے کہا کہ ملازمت ختم کرنا جائز ہے کیونکہ یہ رویہ اعتماد اور وفاداری کے تعلقات کو متاثر کرتا ہے۔