واشنگٹن :امریکی صدر ٹرمپ نے ایران کے ساتھ جاری کشیدگی کے تناظر میں ایک بار پھر سخت بیان دیتے ہوئے کہا ہے کہ اگر تہران کی جانب سے صورتحال میں بہتری نہ آئی تو امریکہ مزید فوجی اقدامات پر غور کر سکتا ہے۔
صدر ٹرمپ نے اپنے بیان میں کہا کہ ایران کے ساتھ مذاکرات میں تاخیر اور حالیہ کشیدگی نے خطے کو غیر مستحکم کیا ہے، اور امریکہ اپنے اتحادیوں اور مفادات کے تحفظ کے لیے تمام ضروری آپشنز استعمال کرنے کا حق رکھتا ہے۔
امریکی حکام کے مطابق ایران کے خلاف محدود اور ہدفی کارروائیوں کے مختلف منصوبے زیرِ غور ہیں، تاہم اس حوالے سے کوئی باضابطہ فیصلہ سامنے نہیں آیا۔
مشرق وسطیٰ میں صورتحال بدستور نازک ہے جبکہ عالمی سطح پر فریقین سے تحمل اور سفارتی حل کی کوششوں پر زور دیا جا رہا ہے۔
