اسلام آباد: وزارت مذہبی امور نے اعلان کیا ہے کہ حج 2026 کے لیے لازمی رجسٹریشن کا آخری موقع بدھ 9 جولائی ہے۔ وزارت کے مطابق اب تک دو لاکھ سے زائد پاکستانی شہری حج کے لیے رجسٹر ہو چکے ہیں۔ رجسٹریشن 15 بینکوں اور آن لائن مفت طریقے سے کی جا سکتی ہے۔
وزارت نے کہا ہے کہ حج کے لیے رجسٹریشن ضروری ہے اور صرف رجسٹریشن شدہ افراد ہی حج کے اہل شمار ہوں گے۔ حج کے اخراجات اور دیگر ضوابط بعد میں جاری کیے جائیں گے۔ وزارت نے عوام سے اپیل کی ہے کہ وہ بروقت رجسٹریشن مکمل کریں۔
