پنجاب میں پہلی بار ای-ٹیکسی سکیم کا باضابطہ آغاز کر دیا گیا ہے جس کے پہلے مرحلے میں 1100 الیکٹرک گاڑیاں ٹیکسی ڈرائیورز کو دی جائیں گی۔ یہ گاڑیاں پانچ سال کی آسان اقساط پر بلا سود فراہم کی جائیں گی تاکہ گاڑی چلانے والوں کو مالی بوجھ سے نجات ملے۔
سکیم میں حصہ لینے کے خواہشمند افراد اب آن لائن پورٹل کے ذریعے اپنی درخواستیں جمع کرا سکتے ہیں، جو حکومت کی جانب سے سہولت فراہم کرنے کے لیے قائم کیا گیا ہے۔ اس اقدام کو پنجاب میں ماحول دوست اور جدید ٹرانسپورٹ کے فروغ کے لیے اہم پیش رفت قرار دیا جا رہا ہے۔
