سٹنٹ کے عالمی ریکارڈ شکن سلطان گولڈن نے دو اہم ریکارڈ توڑ دیے

پاکستان کے اسٹنٹ مین سلطان محمد گولڈن نے آج عالمی سطح پر اپنی مہارت کا جادو دکھاتے ہوئے دو اہم ریکارڈ توڑ دیے۔

سب سے پہلے سلطان گولڈن نے ریورس ریمپ جمپ میں 121.72 فٹ کا فاصلہ طے کیا، جب کہ سابقہ ریکارڈ 89 فٹ 3.25 انچ تھا۔ اس حیرت انگیز کامیابی نے شائقین کو محظوظ کیا اور انہیں زبردست داد کا موقع فراہم کیا۔

اسی دن، انہوں نے تیز ترین ریورس ڈرائیو کا ریکارڈ بھی توڑ دیا، مقررہ فاصلے کو صرف 57 سیکنڈز میں مکمل کیا۔ پرانا ریکارڈ 1 منٹ 15 سیکنڈز کا تھا اور یہ 2022 میں ایک امریکی اسٹنٹ مین نے قائم کیا تھا۔

ریکارڈز توڑنے کے بعد سلطان گولڈن نے گورنر اور وزیرِ اعلیٰ بلوچستان سے ملاقات کی اور مبارک باد وصول کی۔

سلطان گولڈن کی یہ کامیابی نہ صرف پاکستان کے اسٹنٹ کھیلوں کی تاریخ میں ایک سنگِ میل ہے بلکہ عالمی سطح پر بھی ملک کا نام روشن کر رہی ہے۔