پاکستان نے افغان مہاجرین کی باوقار وطن واپسی کو اپنی اولین ترجیح قرار دے کر عالمی سطح پر ایک مثال قائم کر دی ہے۔ وفاقی اور صوبائی حکومتوں کے تعاون سے افغان مہاجرین کے لیے ایک منظم، شفاف اور محفوظ واپسی کا عمل جاری ہے۔
محکمہ ایف سی اور سول انتظامیہ کے اشتراک سے مہاجرین کو خوراک، طبی سہولیات اور سرحد تک آسان رسائی فراہم کی جا رہی ہے تاکہ ان کا سفر آرام دہ اور بغیر کسی پریشانی کے مکمل ہو سکے۔ افغان مہاجرین نے کہا ہے کہ انہیں کسی قسم کے دباؤ کا سامنا نہیں اور وہ مکمل آزادی کے ساتھ وطن لوٹ رہے ہیں۔
تقریباً 45 سال سے پاکستان میں مقیم افغان مہاجرین نے حکومت پاکستان اور ایف سی کو ان کی مدد اور تعاون پر شکریہ ادا کیا ہے اور امید ظاہر کی ہے کہ وطن واپسی کے بعد بہتر حالات میں زندگی بسر کر سکیں گے۔
یہ حکومتی اقدامات نہ صرف افغان مہاجرین کی فلاح و بہبود کا مظہر ہیں بلکہ پاکستان کی بین الاقوامی ذمہ داریوں کے حوالے سے بھی ایک مثبت پیش رفت شمار کیے جا رہے ہیں۔
