ترقی کی راہ میں کوئی رکاوٹ برداشت نہیں ہوگی، دہشت گردی کے خلاف تعاون تیار:وزیراعظم شہباز شریف

اسلام آباد: وزیراعظم شہباز شریف نے قومی اسمبلی میں کہا ہے کہ پاکستان کی ترقی اور خوشحالی میں کسی بھی رکاوٹ کو برداشت نہیں کیا جائے گا۔ انہوں نے افغان طالبان سے کہا کہ کالعدم تحریک طالبان پاکستان (ٹی ٹی پی) پر فوری قابو پایا جائے، اور دہشت گردوں کے خلاف مشترکہ اقدامات کے لیے پاکستان ہر وقت تیار ہے۔

27ویں آئینی ترمیم کی منظوری کے بعد اظہار خیال کرتے ہوئے وزیراعظم نے کہا کہ آئینی عدالت کا قیام 19 سال بعد ممکن ہوا، اور اختلافات کے باوجود ملکی ترقی کے لیے سب کو کام کرنا ہوگا۔

شہباز شریف نے کہا کہ اگر صوبے مضبوط ہوں گے تو وفاق بھی مضبوط ہوگا۔ انہوں نے پاک فوج کے بہادر جوانوں اور افسروں کی قربانیوں کو سراہا، خاص طور پر APS اور واناکیڈٹ کالج حملوں کے موقع پر۔ انہوں نے دہشت گردی کے واقعات میں خارجہ مداخلت کی بھی نشاندہی کی۔

اجلاس کے اختتام پر وزیراعظم نے ارکان اسمبلی کا شکریہ ادا کیا اور قومی اسمبلی کا اجلاس اگلے دن شام 4 بجے تک ملتوی کر دیا گیا۔