لاہور :وزیراعلیٰ پنجاب مریم نواز سے پاکستان میں فرانس کے نئے سفیر کی ملاقات ہوئی، جس میں دوطرفہ تجارتی تعلقات، اقتصادی تعاون اور سرمایہ کاری کے فروغ سے متعلق امور زیرِ بحث آئے۔
مریم نواز نے پنجاب اور فرانس کے درمیان باہمی تجارت کے نئے مواقع تلاش کرنے پر زور دیتے ہوئے فرانسیسی سرمایہ کاروں کو زراعت، صنعت اور لائیو اسٹاک کے شعبوں میں سرمایہ کاری کی دعوت دی۔
وزیراعلیٰ پنجاب کا کہنا تھا کہ جی ایس پی پلس پاکستان کی برآمدات اور پنجاب کی صنعتی معیشت کے لیے لائف لائن کی حیثیت رکھتا ہے۔ ملاقات میں دونوں ممالک کے درمیان تجارتی و اقتصادی روابط مزید مضبوط بنانے کی ضرورت پر بھی اتفاق کیا گیا۔
