دوسری جانب، محنت کشوں کے بچے بھی اس امتحانی دوڑ میں کسی سے پیچھے نہ رہے۔ شاہ کوٹ سے تعلق رکھنے والے سبزی فروش کے بیٹے فیضان رضا نے سائنس گروپ میں تیسری پوزیشن حاصل کر کے سب کو حیران کر دیا۔ فیضان کا کہنا تھا کہ وہ ایم بی بی ایس ڈاکٹر بننے کا خواب دیکھتا ہے اور اس کی اس کامیابی میں اس کے والدین اور اساتذہ کا اہم کردار ہے۔
نتائج کے مطابق، مجموعی طور پر71 فیصد لڑکیاں امتحانات میں کامیاب رہیں جبکہ لڑکوں کی کامیابی کی شرح 47 فیصد رہی۔ نمایاں کارکردگی دکھانے والے طلبہ کو بورڈ کی جانب سے میڈلز، کیش انعامات اور تعریفی اسناد سے نوازا گیا۔
