وزارت مذہبی امور کے ترجمان نے بتایا ہے کہ سرکاری حج سکیم 2026 کے لیے درخواستوں کی وصولی کا پہلا مرحلہ مکمل ہو گیا ہے، جس میں آن لائن پورٹل اور نامزد بینکوں کے ذریعے جمع کرائی گئی درخواستوں کی تعداد 71 ہزار سے تجاوز کر گئی ہے۔
ترجمان کے مطابق، اخراجات کی پہلی قسط کے ساتھ درخواستوں کی وصولی کا عمل 11 اگست سے 16 اگست تک جاری رہے گا۔ اس دوران دوسرے مرحلے میں غیر رجسٹرڈ عازمین حج کو بھی درخواست جمع کرانے کی اجازت دی جائے گی۔
سمندر پار پاکستانی بھی اپنے قریبی عزیز کے ذریعے نامزد بینکوں میں حج درخواست جمع کرا سکتے ہیں، جبکہ بیرون ملک مقیم عازمین میڈیکل فٹنس سرٹیفکیٹ وطن واپسی پر جمع کروائیں گے۔
ترجمان نے واضح کیا کہ حج کوٹہ مکمل ہوتے ہی درخواستوں کی وصولی کا عمل فوری طور پر روک دیا جائے گا۔
Send an email
