کراچی : ملک بھر میں سونے کی قیمتوں میں نمایاں کمی دیکھنے میں آئی ہے، جس سے زیورات کے خریداروں اور سرمایہ کاروں میں ملا جلا ردِعمل دیکھنے کو ملا ہے۔ تازہ اعداد و شمار کے مطابق فی تولہ سونے کی قیمت میں 1000 روپے کی کمی ریکارڈ کی گئی، جس کے بعد نئی قیمت 3 لاکھ 57 ہزار 100 روپے ہو گئی ہے۔
بین الاقوامی مارکیٹ میں بھی سونے کی قیمت میں کمی دیکھی گئی، جہاں فی اونس سونا 10 ڈالر سستا ہو کر 3344 ڈالر پر آ گیا ہے۔
ماہرین معاشیات کے مطابق ڈالر کے مقابلے میں روپے کی قدر، عالمی طلب و رسد، اور سرمایہ کاری کے رجحانات سونے کی قیمتوں پر اثر انداز ہو رہے ہیں۔ اگر یہی رجحان برقرار رہا تو آئندہ دنوں میں سونے کی قیمتوں میں مزید کمی یا اتار چڑھاؤ کا امکان موجود ہے۔
دوسری جانب زیورات کے خریداروں نے سونے کی قیمت میں کمی کو خوش آئند قرار دیا ہے، جبکہ کچھ سرمایہ کار اس صورتِ حال کو باعثِ تشویش سمجھ رہے ہیں۔
